جواں ترنگ

کبھی ساحل تو کبھی سیل ِ خطر ٹھہرے گی ۔ سیدہ سارہ غزل ہاشمی

بحر رمل مثمن سالم مخبون محذوف : فاعلاتن/ فعِلاتن /فعِلاتن/ فعلن ( فَعِلن ۔ فَعِلان ۔ فعلان)۔


Share this
کبھی ساحل تو کبھی سیل ِ خطر ٹھہرے گی
بحر ِ ہستی میں اگر موج ِ سفر ٹھہرے گی
 
ورطہء شب سے نکل آئی اگر کشتیء صبح
ساحل ِ نور پہ ٹھہرے گی اگر ٹھہرے گی
 
سینہء حسن میں پوشیدہ ہے جو آگ ابھی
تیشہء عشق سے گلرنگ سحر ٹھہرے گی
 
کشتیء جاں کو سلامت نہ اگر لے کے گئی
بیکلی دل کے سمندر کا بھنور ٹھہرے گی
 
ہم سر ِ شام چراغوں میں تجھے دیکھیں گے
اب کسی گل پہ نہ تارے پہ نظر ٹھہرے گی
 
دل کی فریاد کو لازم ہے خموشی ہی غزل
ورنہ اس دہر میں یہ کار ِ ہنر ٹھہرے گی
 
 سیدہ سارہ غزل ہاشمی 
۔
بحر رمل مثمن سالم مخبون محذوف : فاعلاتن/ فعِلاتن /فعِلاتن/ فعلن ( فَعِلن ۔ فَعِلان ۔ فعلان)۔
ہندسی اوزان : 2212..(2211)..2211..2211..22 (211، 1211،122)۔

اس بحر میں پہلے رکن یعنی فاعلاتن ( 2212 ) کی جگہ فعلاتن ( 2211 ) اور آخری رکن فعلن (22) کی جگہ , فعلان ( 122)، فَعِلن (211 ) اور فَعِلان (1211) بھی آ سکتا ہے۔ یوں اس بحر کی ایک ہی غزل میں  یہ آٹھ اوزان استعمال کرنے کی عروضی سہولت یا گنجائش موجود ہے

 ۔1 ۔۔ فاعِلاتُن ۔۔۔ فَعِلاتُن۔۔۔ فَعِلاتُن۔۔۔ فعلُن ۔۔۔ 2212 …2211 ..2211 … 22 ۔
۔2 ۔۔ فاعِلاتُن ۔۔۔ فَعِلاتُن۔۔۔ فَعِلاتُن ۔۔۔ فَعِلُن ۔۔2212 …2211 ….2211 …211 ۔
۔3 ۔۔ فاعِلاتُن ۔۔۔ فَعِلاتُن ۔۔۔ فعلاتُن ۔۔۔ فَعلان۔۔2212 …2211 …2211 …122 ۔
۔4 ۔۔ فاعِلاتُن ۔۔۔۔ فَعِلاتُن۔۔۔ فَعِلاتُن ۔۔۔ فَعِلان 2212 …2211…2211…1211۔
۔5 ۔۔ فعلاتُن ۔۔۔۔ فَعِلاتُن۔۔۔۔ فَعِلاتُن۔۔۔ فعلُن ۔۔2211 …2211 ….2211 …22 ۔
۔6 ۔۔ فعلاتُن ۔۔۔۔ فَعِلاتُن۔۔۔۔ فَعِلاتُن ۔۔۔ فعلان۔۔2211…2211. 2211. 122 ۔
۔7 ۔۔ فعلاتُن ۔۔۔ فَعِلاتُن۔۔۔ فَعِلاتُن ۔۔۔ فَعِلُن ۔۔2211 ..2211 ..  2211… 211
۔8 ۔۔ فعلاتُن ۔۔۔ فَعِلاتُن۔۔۔۔ فَعِلاتُن ۔۔۔ فَعِلان۔۔2211…2211….2211…1211۔


Spread the love

FAROOQ RASHID BUTT

عالمی امن اور اتحاد بین المسلمین کا پیامبر ، نام فاروق رشید بٹ اور تخلص درویش ہے، سابقہ بینکر ، کالم نویس ، بلاگر ، شاعر اور ویب پورٹل اینڈ کمرشل سائٹس ایکسپرٹ ہوں۔۔۔۔ آج کل ڈیفنس اینڈ سٹریٹجک ایشوز ریسرچ اور ہوٹل مینجمنٹ کے پیشہ سے منسلک ہوں ۔۔۔۔۔

Leave a Reply

Back to top button