جواں ترنگ

سنو میری باتیں -فلائیٹ لیفٹیننٹ بہزاد حسن شہاب


Share this
سنو میری باتیں
زمانے کے رس کو نچوڑا ہے میں نے
تو یہ عطر حاصل ہوا ہے مجھے
جسے اپنے خوابوں کی تازہ فضا میں رچا کر
ہوا میں بسا کر ،نیا روپ دے کر
ہر اک سمت پھیلا رہا ہوں
دلوں کے شبستاں
بھری محفلوں اور سنورتی ہوئی بستیوں کو
معطر بنانے کی خاطر
ستاروں کے تخت رواں سے اتر کر
میں دھرتی پہ آیا ہوا ہوں،مرے پاس آؤ
تمہیں گنگناتی ہوئی ندیوں اور
کہیں خامشی سے بھرے جنگلوں میں
چلو ٹھنڈے میٹھے ابلتے ہوئے پانیوں کے
وہ چشمے دکھاؤں
جو صدیوں سے روحوں کے ظلمات میں گم
بلاتے ہیں تم کو
جنہیں دیکھنے کی تمنا میں آنکھوں کے در کھل گئے ہیں
کہیں جس کی ہے گرد یہ کہکشاں
کہیں انگنت منظروں سے بھرا آسماں
جہاں اڑ رہا ہوں میں چاروں طرف
یہ سب کچھ کبھی میرے سر پہ
کبھی میرے قدموں میں ہے
تمہیں کچھ خبر ہے
ہوائیں ہیں میری فضائیں ہیں میری
بکھر جاؤں گا میں فضاؤں میں اک دن
کہ بہزاد میں ہوں شہاب ِ محبت
زمانے کی خوشبو ہے باتوں میں میری
زمانہ ہوں میں
بہزاد حسن شہاب

Spread the love

FAROOQ RASHID BUTT

عالمی امن اور اتحاد بین المسلمین کا پیامبر ، نام فاروق رشید بٹ اور تخلص درویش ہے، سابقہ بینکر ، کالم نویس ، بلاگر ، شاعر اور ویب پورٹل اینڈ کمرشل سائٹس ایکسپرٹ ہوں۔۔۔۔ آج کل ڈیفنس اینڈ سٹریٹجک ایشوز ریسرچ اور ہوٹل مینجمنٹ کے پیشہ سے منسلک ہوں ۔۔۔۔۔

Leave a Reply

Back to top button